သမိုင်းမလှသော်လည်း အနာဂတ်လှရအောင်

နယူးယောက်မြို့ရှိ ယခင် ကမ္ဘာ့ ကုန်သွယ်မှုဗဟို အဆောက်အအုံ ကြီးများနေရာဝယ်ပြန်လည်ပြုပြင် ရေးများပြုလုပ်နေဆဲဖြစ်သည်။ ယင်း လုပ်ငန်းခွင်ကို 'ကင်းမဲ့ခြင်းကို ထင် ဟပ်ခြင်း(ျွန်ူနခအငညါ ဗဘျနညခန)' ဟု အမည်ပေးထားသည်။ လုပ်ငန်း ခွင်ဝယ် ယခင်ကမ္ဘာ့ ကုန်သွယ်မှု ဗဟိုအဆောက်အအုံကြီးများ တည် ရှိခဲ့ခြင်း၏ပုံရိပ်အဖြစ် လေးထောင့် အကွက်ကြီးနှစ်ခုကို ထင်ရှားစွာ တွေ့နိုင်၏။

‘တစ်ကျော့ပြန်’ ဆိုသည့် စကားက လောကသဘာဝထဲ အသုံးများမြဲ။ အဆိုးလောကဓံ တစ်ကျော့ပြန် မှာကိုဖြင့် လူတိုင်းလန့်ကြ နောက်တစ်ခေတ်တွင် နောက် စိတ်ညစ် စရာများ မဖြစ်ကြရအောင် သင်ခန်းစာ ယူစရာ သာဓက များကို သုံးသပ်မီးမောင်း ထိုးကြရသည်။ ၉။၁၁ (ခေါ်) ၉၁၁ (ခေါ်) စက်တင်ဘာ အီလဲဗင်း၏ သမိုင်း တစ်ခုသည် လည်း ဆယ်စုနှစ်တစ်ခု တိုင်ခဲ့ပြီ။ ဤဆယ်စုနှစ် အတွင်း ငြိမ်းချမ်းရေး အဖြေကို ဘယ်လို သည်းခံမှု များဖြင့် ရှာခဲ့ပါသလဲ။ အမြင်မတူကြသူများ တစ်ဦးနှင့် တစ်ဦး လေးစား စိတ်နဲ့ ရင်ဆိုင်လို့ ရနိုင်ခဲ့ကြလား ဆိုသည်ကလည်း တွေးကြည့်စရာ။ ဤဖြစ်ရပ်၏  နောက်ဆက်တွဲ နိုင်ငံရေး၊ စီးပွားရေး ဂယက်များ အပြင် စိတ်ကျန်း မာရေး ကိစ္စ များကလည်း အလေးထားလာ ရသည့်အရာ ဖြစ်လာခဲ့သည်။ ချောက်ချားဖွယ် သမိုင်းကို မယုံကြည်နိုင်စွာ မြင်တွေ့ လက်ခံလိုက်ရ သူများ၏ သံဝေဂ တွင် အကြောက် တရားနဲ့ အမုန်းတရား ပိုနေမည်လား။ နားလည်မှု စစ်စစ်ဖြင့်ဖြစ်သော သံဝေဂရဖို့ My Name is Khan ကဲ့သို့ ရုပ်ရှင် ဇာတ်ကားက အထောက်အကူပြု ခဲ့ပါ သလား။ ထိတ်လန့် စရာများကို ထိန်ချန်ခြင်းသည် ဆေးမြီးတို တစ်မျိုးဟု ရှုမြင်သူများလည်း ရှိသကဲ့သို့ အနိဋ္ဌာရုံများကို မကြားလို မပြောလို သူများလည်း ရှိနေပြန်ရာ …  ”ပြေး …ပြေး၊ ခေါင်းပေါ် လက်တင် ပြီးပြေး၊ မော့မကြည့်နဲ့” ဟူသော မီးသတ်သမား များ၏ ညွှန်ကြားမှုများ အကြား ဘဝကို ကယ် သည့် ခြေထောက် များဖြင့် ပြေးလို့။ လွတ်မြောက် သူများ၏ အတွေ့အကြုံ စာများက ကမ္မဋ္ဌာန်း ဆရာများ ကိုးကားချင်စရာ။ ပြီးတာတွေက ပြီးသွားသော်လည်း မပြီးခင် အခိုက်အတန့်မှာ ပျက်ခဲ့သည် များက တစ်ထောင့် တစ်ည ပုံပြင်များကို အစားထိုးစရာ ဖြစ်ခဲ့ပြီ။ ပြိုကျသောအပုံများ ရှင်းရင်းဖြင့် ထွက်လာသည့် ပစ္စည်း အပွန်းအပဲ့ အကျိုး အပျက်များ ရုပ်အလောင်း များက မသိကိန်း ပါသော ညီမျှခြင်း ပုစ္ဆာအချို့ အတွက် ထည့်တွက် ရမည့် ပေးထားချက် များဖြစ်ခဲ့ပြီ။ မီးသတ်သမား အများစု သေဆုံးခဲ့သည့် Marriot ဟိုတယ် အား ကယ်ဆယ်ရေး အတွက် ညွန်ကြားမှု များပြုလုပ်ရာ၊ အထူး နေရာအဖြစ် အသုံးချခဲ့သည်။ ဟိုတယ် ဝန်ထမ်း များကလည်း ဟိုတယ်မှာ လာတည်းနေသူများအား ကယ် ထုတ်ပေးခြင်း၊ အရေးပေါ် စီမံခန့်ခွဲမှု ဌာနချုပ်သို့ ဧည့်စာရင်းများ ပေးပို့ထားရှိခြင်း၊ ၄င်း ဌာနချုပ်မှ ဧည့်သည်များ၏ မိသားစုဝင်များ ကို အကြောင်းကြား ပေးခြင်း စသဖြင့် ဝန်ဆောင်မှုများ ပေးခဲ့သည်။ ဧည့်သည်များအား ကယ်ရင်း မီးသတ်သမား များကို ကူညီပေးရင်းဖြင့် ဟိုတယ်၏ သမိုင်းတွင် အသက်နဲ့ ရင်းပြီး အကောင်းဆုံး ဝန်ဆောင် မှု များပေးခဲ့သော ကာလဖြစ်ကြောင်း မှတ်တမ်းတင်ခဲ့ရသည်။ အဆိုးဆုံး အခြေအနေတွင် အကောင်းဆုံးများ ပေးဆပ် လုပ်ဆောင်နိုင် သည့် လူသား များသည် သာမန် အချိန် များတွင်လည်း အကောင်းဆုံး တွေကို အားထုတ် နိုင်ကြမည် ဆိုလျှင် ကမ္ဘာ့သမိုင်းက လောကဓမ္မကို အဓိပ္ပာယ် သစ် ပေါ်ပေါက်စေနိုင်မည်။  ထို့အတူပင် အကောင်းဆုံး အခြေအနေများကို မဆိုးဆိုးအောင် လုပ်သည့် သူများ၏ စိတ်အခြေခံ အကြောင်းအရင်း နှင့်တကွ အဖြေများကို ရှာနိုင်ဖို့ လိုမည်။ အကောင်းနှင့် အဆိုး အင်အားစု များသည် နေရာတိုင်းတွင် ဖြစ်နေ၊ ရှိနေမည်မှာ မဆန်း။ မိမိခန္ဓာ အစု တစ်ခုတည်း၌ပင် အာရုံသည် အကောင်းနှင့် အဆိုး ဒွန်တွဲနေ သည် မဟုတ်လော။ ကိုယ့်မှာရှိသော စိတ်အခံ များပေါ် မူတည်လျက် အရာရာသည် ပြောင်းလဲ သွားတတ်သည်။ မိမိ စိတ်က အရာရာအပေါ် အကောင်းမြင် တတ်အောင်၊ ခွင့်လွှတ် တတ်အောင် သတိထားလျက် သတ္တလောကကြီး သဟဇာတဖြစ်ဖြစ် တိုးတက်စေရန် လုပ်ကြလျှင် မြေကမ္ဘာဂြိုဟ်သည် မေတ္တာ စွမ်းအင် ထွက် ရှိနေသော ဂြိုဟ် တစ်ခု ဖြစ်နေမည်။ ကျွန်ုပ်တို့ အားလုံး၏ အစွဲက ငါ့မြေ၊ ငါ့ရေ၊ ငါ့လူမျိုး၊ ငါ့နိုင်ငံ ဆိုပြီး ကမ္ဘာ့မြေပုံပေါ်တွင် ကြွားဝင့်ချင်ကြသည်။ အသွင် မတူလျှင် သတ်ဖြတ် ညှဉ်း ဆဲခြင်း၊ သဘာဝတရားများ၏ ပြောင်းလဲ ဖောက်ပြန်တတ်ခြင်း များကြောင့် မျိုးတုန်း ပျောက်ကွယ်ခဲ့ရသည့် သတ္တဝါများ၊ ပြောင်းလဲ ရွေ့ လျားလာသည့် ကမ္ဘာ့မြေပုံ များ၊ နောင်ကိုလည်း ကမ္ဘာ့တိုက်များ အရွေ့ ပေါ်လာဦးမည်ကို သိနေသော လူသားများသည် မိမိတို့၏ သွေးမှဖြစ်သော စရိုက်ဥာဉ်များကို အကဲခတ် ထိန်းကျောင်းကာ ကမ္ဘာ့ လူသား ပုံစံသစ်ဖြင့် တစ်ဦးကိုတစ်ဦး လေးစားစွာ အသိအမှတ်ပြုပေးခြင်း၊ အားပေးကာ ဖေးမခြင်း၊ စာနာကာ နားလည်ပေးနိုင်လျှင် မလှသော သမိုင်းများက လှသော အနာဂတ် အတွက် သင်ခန်းစာ ဖြစ်မည်ဟု ယုံကြည်မိသည်။

ငွေသော်တာ