မရိပ်မိလို့ မသိတာပါ သံဝေဂရစရာတွေချည်းသာ

ဗုဒ္ဓ ဂယာ ခရီးသွားမယ် ဆိုတာကို ဆရာတော်ကြီးတွေကို ကြိုလျှောက်တော့ အားလုံးက သံဝေဂ ဥာဏ်ဖြစ်အောင်၊ သစ္စာလေးပါး တရား တွေသိခဲ့အောင် ကြိုးစားခဲ့ ဖုိ့မိန့်ကြတယ်။ လွန်ခဲ့တဲ့  (၁၄)နှစ်က သံဝေဇနိယ လေးဌာန (ဖွား၊ ပွင့်၊ ဟော၊ စံ)နဲ့ အဝိဇဟိတ လေးဌာန (ဘုရားရှင်တိုင်း မစွန့်အပ်သော နေရာ အရပ်များ ) တွေကို ရောက်ခဲ့ဖူးပါတယ်။ သွားတဲ့အချိန်က ရာသီဥတု ပူလို့ ပင်ပန်းလွန်းတာ ကလွဲပြီး ဘာသံဝေဂမှ မရပေါင်၊ အသက်ငယ်သေးတာ လည်း ပါမယ်။ အရင် သွား တုန်းက ‘ကာလကတ္တား’ကနေ တစ်ဆင့် သွားခဲ့ဖူးတယ်။ ခုတော့ ရန်ကုန်နဲ့ ဂယာကို တိုက်ရိုက် ပြေးဆွဲနေတဲ့ လေကြောင်းလိုင်း တွေ ရှိ လာတော့ သွားချင်ရင် ထသွား ရုံပဲ။  အခုတော့ ကာလကတ္တားလည်း ‘ကိုလ်းကတ္တား’ ဆိုပြီး ခေါ်တွင်နေပြီပေါ့။ ဘုံဘေမြို့လည်း မွန်ဘိုင်းဆိုပြီး ပြောင်းလဲနေပြီလေ။

         ရောက်ပါပြီ ဂယာ။ လွန်ခဲ့တဲ့ နှစ် (၂၅ဝဝ) ကျော်ဆိုတာ မပြောနဲ့၊ အရင် (၁၄)နှစ်ကနဲ့ ဘာမှ မတူတော့တဲ့ ဘုရားပွဲကြီး လိုပါပဲလား။ လူတွေ၊ ဆိုင်တွေလည်း စည်ကားလိုက်တာ။ တိဗက်တွေ အလာများတဲ့ ရာသီဆိုတော့ ဝမ်းလျားမှောက် ရှိခိုးတဲ့ ပျဉ်ခင်းတွေလည်း အစီရီပဲ။ မြန်မာတွေက ထိခြင်းငါးပါးနဲ့ ကန်တော့သလို တိဗက်တွေက မတ်တတ် အနေထားကနေ ဝမ်းလျားမှောက်သွား တဲ့အထိ ဒိုက်ထိုးသလိုမျိုး ထိခြင်းအားလုံးနဲ့ ကန်တော့ တာလားမသိ။ သူတို့က ဘုရားလောင်း သုမေဓာ ရသေ့ ဘဝတုန်းက ဘုရားရှင်ကို ဖူးမြော် ရာမှာ မပြီးသေးတဲ့လမ်းပေါ်မှာ ခန္ဓာကိုယ်ကို တံတားသဖွယ် ခင်းပြီး ကြိုတဲ့ပုံစံမျိုး (ဗျာဒိတ်ခံစဉ်) ကို ရည်ရွယ်လို ဟန်တူပါတယ်။ ထိုင်းအဖွဲ့တွေက လည်း စနစ်တကျပဲ။ ဂျပန်၊ တရုတ် (တိုင်ပေ)၊ သီရိလင်္ကာလည်း လာတာပဲ။ လူမျိုးစုံဟာ ဘုရား ပွင့်ခဲ့တဲ့ ဒီအရပ်မှာ နည်းမျိုးစုံနဲ့  ဂုဏ်တော်တွေပုံ ဖော်ရင်း ပူဇော်နေကြတာကြည့်ရင်း ဗုဒ္ဓရဲ့မဟာကရုဏာဥာဏ်တော် သက်ရောက်မှု အချိန်ကာလ ရှည်တွေကို အံ့သြမိပါတယ်။

           အာရှမှာရှိတဲ့ ဗုဒ္ဓဘာသာဝင် နိုင်ငံတွေက ရဟန်းတွေ စုရုံးပြီး ပိဋကတ်သုံးပုံ ရွတ်ဖတ် ပူဇော်ပွဲ ကြီး ဆယ့်နှစ်ရက် (၁၂.၃.ဝ၇ မှ ၂၄.၃.ဝ၇ ထိ) ကျင်းပဖို့လည်း ဗုဒ္ဓဂယာရဲ့ သတ္တဌာန တစ်ဝိုက်မှာ ကြိုတင် ပြင်ဆင်နေပါတယ်။ ဒါဟာ နှစ် (၇ဝဝ) အတွင်းမှာ ဒုတိယအကြိမ် ကျင်းပ နိုင်ခြင်းပါ။ ခုလိုဖြစ်မြောက်ဖို့ကို LBDFI (www.lbdfi.org) က ကူညီ ပံ့ပိုးပေးတာလေ။ မျက်မှောက်ကာလမှာ ဗုဒ္ဓဟောဖော်ညွှန်ပြခဲ့တဲ့ တရား အနှစ်သာရတွေ ပျံ့နှံ့နေသလို တစ်ဖက်က လည်း ဗုဒ္ဓကိုယ်တော် တိုင် သုံးဆောင်တော် မူခဲ့တဲ့ ရုပ်ဝတ္ထု ပစ္စည်း အမှတ်သညာတွေ ယိုယွင်းနေတာဟာလည်း သံဝေဂရစရာ တစ်ခုပါပဲလေ။ အရင် (၁၄)နှစ်တုန်းက မဟာဗောဓိပင် ကြီးမှာ ရွှေသင်္ကန်း၊ ကြာသင်္ကန်းတွေ ကိုယ်တိုင်ဝင်ထွက် ကပ်လို့ရပေမယ့် ခုတော့ ပွတ်လုံးတိုင် တွေရဲ့ အပြင်ကသာ အာရုံပြုကြရတယ်။ စတုတ္ထ မျိုးဆက်  ဗောဓိပင် ကြီးလည်း သံမဏိတိုင်တွေနဲ့ ထောက် ကူနေရပြီး ဂျပန် ပညာရှင်တွေရဲ့ ဆေးဝါး ကုသမှုကို ခံနေရပါပကော။

  ဂယာမြို့မှာ အာရုံပြုစရာ သတ္တဌာန အပြင် သုဇာတာ ကပ်တဲ့ ဃနာနို့ဆွမ်း ရွှေခွက်ကို အဓိဋ္ဌာန်ပြုမျှောရာ နေရဉ္စရာမြစ်၊ ဒုက္ကရ စရိယာ ကျင့်တဲ့ ဥရုဝေလတောင်၊ မဟန့် နန်းတော်နား က မင်းတုန်းမင်း ဇရပ်နဲ့ ကျောက်စာတိုက်တို့လည်း ရှိသေးတယ်။ ဒုက္ကရ စရိယာဆိုတဲ့ ခဲယဉ်းစွာ ပြုရသော အကျင့်ကို ကျင့်တဲ့တောင်ကို အတော် ပင်ပင် ပန်းပန်း တက်ရတယ်။ မြတ်စွာ ဘုရားရှင် ကိုယ်တော်တိုင် ကျင့်ခဲ့တဲ့ အကျင့်ရော ဘယ်လောက် ပင်ပန်းလိုက်မလဲ။ မဟန့်နန်းတော် အနားမှာရှိတဲ့ မင်းတုန်းမင်း ဇရပ် ကို မြင်ရတော့ စိတ်မကောင်း။ ဇရပ်ထဲမှာ ဖြစ်သလို နေကြတဲ့ အိန္ဒိယ လူမျိုးတွေ ရဲ့အိပ်ရာများနဲ့ အဝတ်ကြိုးတန်း များက တွဲရရွဲ။ ကျောက်စာတိုက် ကလေးနှစ်ခု က လည်း ခြုံထဲက နေ အလှူရှင် မျှော်နေသယောင်။ ကျောက်စာ လည်း တစ်ချပ်ပဲ ရှိတော့တာမို့ အဲဒီ ကျန်နေသေးတဲ့ ကျောက်စာပါ ပျောက်သွားမှာ အဟုတ် စိုးရိမ်မိ ပါတယ် ။

      မိဂဒါဝုန်မှာ ဓမ္မစကြာ တရားဟောတဲ့နေရာ၊ အနတ္တလက္ခဏ သုတ်ဟောတဲ့နေရာတွေကို မြင်တာနဲ့ အေးအေးဆေးဆေး တရားမှတ်ချင်စိတ်တွေ ဘယ်သူ မဆိုဖြစ်ကြ မှာပါပဲ။ လူအများနဲ့ စု သွားရတဲ့ ခရီးဖြစ်တာကတစ်မျိုး၊ လေ့လာကြည့်ရှုဖို့ တဖွဲဖွဲရောက်နေကြတဲ့ နိုင်ငံခြားသား အဖွဲ့တွေ များတာက တစ်ကြောင်းမို့ သီးသန့် အချိန်ပေး သွားသင့်တဲ့နေရာပါပဲ။ အဲဒီဝင်းထဲမှာပဲ အာသောက ကျောက်တိုင် အကျိုးအပဲ့တွေကို သံဆန်ခါနဲ့ခတ် ပြီး ပြထားတာတွေ၊ ဟိုးတုန်းက လက်ရာနဲ့ ထွင်းထုထားတဲ့ ကျောက်သား အကျိုးအပဲ့တွေ မြင်ရတာဟာ  အတော်စိတ်မချမ်းမြေ့စရာပါ။

           လုမ္ဗိနီမှာလည်း အာသောကကျောက်တိုင် က ဘုရားလောင်းဖွားတဲ့နေရာ (အခုတော့ အုတ်တိုက်နဲ့ပေါ့လေ) နားမှာရှိတယ်။ ဘုရားလောင်း ဖွားစဉ်က အင်ကြင်းတောဖြစ်ခဲ့ပေမယ့် ခုတော့ အင်ကြင်းပင် အလတ်လေးနှစ်ပင်လောက်ပဲ တွေ့ခဲ့ရတယ်။ အဲဒီအင်ကြင်းပွင့်နဲ့ ရန်ကုန်မှာ တွေ့ရတဲ့ အင်ကြင်းပွင့်တွေက မတူဘူး။ ရန်ကုန် က အပွင့်တွေကကြီးပြီး တစ်ပွင့်စီပဲပွင့်တာ။ လုမ္ဗိနီက အင်ကြင်းက အပွင့်သေးသေး အခိုင်လိုက်၊ အဆုပ်လိုက် ပွင့်တယ်လို့ပြောကြတယ်။ ဆရာဦးမြသန်းစံကတော့ လုမ္ဗိနီကိုရောက်ရင် ကိလေသာအကြောင်းကို ပိုဆင်ခြင်ဖြစ်တယ်လို့ ဆိုတယ်။ ကိုယ်ကတော့ ဥာဏ်မမီလို့ ဘာကို ဆင်ခြင်ရမှန်းကို မသိတာ။ လုမ္ဗိနီက လောက မဏိစူဠာ စေတီတော်၊ အာနန္ဒာသိမ်တော်၊ မြန်မာ ရွှေကျောင်း တို့ကို ဖူးတွေ့ရတာလည်း ကြည် ကြည်လင်လင် နဲ့ကို ဝမ်းသာပီတိဖြစ် မိတာ ပါ။ မြန် မာတွေ လှူဒါန်းနိုင်တာကိုလည်း သာဓု အကြိမ်ကြိမ်ခေါ်ရင်း မုဒိတာပွားမိပါတယ်။

           ကုသိနာရုံရောက်တော့ အံ့သြသွားတယ်။ လွန်ခဲ့တဲ့ (၁၄)နှစ်က မရှိသေးတဲ့ မဟာသုခံဒဒ ချမ်းသာကြီးစေတီတော်ကို ဖူးလိုက်ရတာ ရန်ကုန် နဲ့နီးနေသလို ခံစားလိုက်ရတယ်။ ရွှေတိဂုံနဲ့ ပုံစံတူ နေတာကိုး။ ဘုရားရှင် ပရိနိဗ္ဗာန်မပြုခင် ဘုဉ်းပေးခဲ့တဲ့ ဝက်ပျိုသားဟင်းက နတ်သြဇာတစ်မျိုးထည့် ချက်ထားလို့ ဝမ်းတော် လားရတာတဲ့။ တချို့ကျမ်း တွေမှာ ဝက်ပျိုသား မဟုတ်ဘဲ မြေဇာဥနဲ့တူတဲ့ မှိုတစ်မျိုးလို့လည်း ပြောကြပြန်ရော။ ဘုရားရှင် ပရိနိဗ္ဗာန်ပြုတဲ့ ဒီကုသိနာရုံ ကို ရောက်တဲ့သူ တချို့ က ဝမ်းနည်းကြ ရတယ်တဲ့။ ဘုရားကို လွမ်းတာ လည်းပါမယ်၊ ကိုယ်ကိုယ်တိုင်လည်း သံသရာတွေ ဒီလောက်ရှည်နေတဲ့အထိ ကျွတ်တမ်း မဝင်နိုင် သေးလို့ အားငယ်တာလည်း ပါမယ်ထင်တယ်။ မြတ်ဗုဒ္ဓရဲ့ကိလေသာ ပရိနိဗ္ဗာန် (ဗောဓိပင်နှင့် ရွှေပလ္လင်တွင် ဘုရားဖြစ်ပြီး စကပင်ပြုလုပ်ခဲ့)၊ ခန္ဓပရိနိဗ္ဗာန် (ကုသိနာရုံတွင် ကျင်းပခဲ့)တို့ကို မမီပေမယ့် ဓာတုပရိနိဗ္ဗာန် မတိုင်ခင်ထိတော့ ကြိုးစား အားထုတ်နိုင်ကြပါ သေးတယ်။

           သိဒ္ဓတ္တ မင်းသားဘဝနဲ့ရော ဂေါတမဘုရား အဖြစ်နဲ့ပါ ကျင်လည်ခဲ့တဲ့နေရာတွေမို့ ဒီနေရာ တွေကို မြေမြတ် မဟာလို့ တင်စားကြပါတယ်။ အဲဒါကြောင့်  မြင်မြင်ကရာ စိုက်ခင်းပျိုးခင်းတွေ ကလည်း အားရစရာဖြစ်ထွန်းနေတာလို့ ပြောကြ တယ်။ အလွန် ကံကောင်းတဲ့တိုင်းပြည်ပါပဲ။  ဂယာကနေ မိဂဒါဝုန် ရှိတဲ့ ဗာရာဏသီကို ကားနဲ့သွားရင် (၈)နာရီကျော်ကြာ၊ မိဂဒါဝုန်ကနေ သာဝတ္တိကိုလည်း တစ်နေကုန်နီးပါး၊ သာဝတ္တိ ကနေ လုမ္ဗိနီကိုလည်းတစ်နေကုန်၊ ဘုရားမွေး ရပ်မြေ လုမ္ဗိနီ က နီပေါ ထဲမှာမို့ အိန္ဒိယ၊ နီပေါ နယ်စပ် လူဝင်မှုကြီးကြပ်ရေးကလည်း အဆင် မသင့်ရင် ကြာတတ်သေးတယ်။ လုမ္ဗိနီကနေ ကုသိနာရုံက နေ့ဝက်ခရီး၊ ကုသိနာရုံ ကနေ ပတ္တနားကလည်း (၁ဝ)နာရီကျော် မောင်းရတာမို့ လမ်းခရီးမှာ အိမ်သာအခက်အခဲက ရှိပြီးသားပဲ။ လမ်းမှာ  Reliance ဓာတ်ဆီဆိုင်ကဖွင့်တဲ့ A1 စားသောက်ဆိုင် ရှိမှ အိမ်သာရှိတယ်။ မဟုတ်လို့ ကတော့ လမ်းဘေး မှာပဲ ချုံခိုတိုက်ပွဲခင်းပေရော့။ အပေါ့အပါးသွားတာကို စိတ်ဝင်စားမယ့်ကုလား ကလည်း နောင်ပြန်တွေ့ ရမယ့် သူတွေ မဟုတ်လို့ ကိစ္စမရှိ။ ဘုရားဖူး အချင်းချင်းကျတော့ ရှက်ရ၊ အားနာရနဲ့ အတော်ဒုက္ခများတယ်။ ဆီး၊ ဝမ်းကိစ္စ ဆိုတာကလည်း ကိုယ်က သြဇာညောင်းတဲ့အရာ မဟုတ်ဘူး။ အောင့်ထား စမ်းဆိုလည်း ခဏပဲရမှာ။ ကိုယ့်ကိုယ်ကို အစိုးမရတဲ့ သဘာဝဒုက္ခတွေ ကြားထဲမှာ ဥာဏ်နည်းလို့ ပိုအဆင်မပြေဖြစ်ရတာလေး တစ်ခုပြော ချင် သေးတယ်။ တခြားမဟုတ်ပါဘူး..ကားက တစ်နေကုန် စီးရမှာ ဆိုတော့ သက်သောင့်သက်သာ ပိုဖြစ်မလား ဆိုပြီး ဘောင်းဘီရှည်ဝတ် လိုက်မိတာ၊ လမ်းမှာ အပေါ့ ပါးသွားချင်တော့ လုံချည်လို ဣနြေ္ဒရရအုပ်လို့ မရဘူးလေ။ ရောက်လိုက်တဲ့ဒုက္ခ၊ သင်ခန်းစာတစ်ခုပါပဲ။ ဒါတောင် အဲဒီနေ့က မိုးမရွာလို့။ နှင်းမိုးကျ တဲ့နေ့တွေနဲ့လည်း ကြုံခဲ့ရသေးတယ်။ အဲလိုနေ့ တွေဆို ကိုယ့်ကိုယ်ကို သတိထားပြီး စားသောက်မှု အတိုင်းအတာကို ချင့်ချိန်မှုပြုကြပေရော့ပဲ။ များများသောက်ရင် ခဏခဏ ပေါက် ရတော့ မှာလေ။ မိုးထဲမှာ ထီးလေးကိုင်ပြီး အပေါ့အပါး သွားရတာ ပျော်စရာ မှမဟုတ်တာ။ လမ်းမှာဒုက္ခဖြစ်မှာ ကြောက်တော့ မနက်လင်းတာ နဲ့ ကော်ဖီသောက်၊ အိမ်သာထိုင်ပြီး ဝမ်းရအောင် လုပ်ထားရတယ်။ မဟုတ်ရင် ဘယ်နေရာမှာ ဘယ်လိုစခန်း သွားရမလဲ ဆိုတာကို တထိတ်ထိတ်နဲ့ အစာဟောင်းအိမ် ရှိရာပဲ အာရုံပြုနေရမှာ။

    စိတ်မောလူမော ကြားထဲက နောက်ဒုက္ခက အမျိုးသမီး ဓမ္မတာလာခြင်းပဲ။ စွန်းပေမှာစိုးရ၊ အဲဒီ လစဉ်သုံး ပစ္စည်း လဲဖို့နေရာ မတွေ့မှာစိုးရ၊ သွေးအား နည်းတတ်တဲ့ အချိန်မို့ ပိုနွမ်းရတဲ့ ကြားထဲ ကားကတစ်နေကုန် စီးနေရတာဆိုတော့ လူက မြော့မြော့ပဲ။ တရားစာလည်း မရွတ်နိုင်၊ စိတ်ပျက် ပျက်နဲ့ ကိုယ့်ခန္ဓာအကြောင်းပဲ ကိုယ်စဉ်း စားတော့ မှ ခန္ဓာထဲမှာ သူ့သဘောနဲ့သူ လည်ပတ်နေတဲ့ ယန္တရားတွေမှာ ‘ငါ’ဆိုတဲ့အရာ တပ်ခွင့် ရှိတဲ့နေရာ ကို မတွေ့တော့။ ဆီး၊ ဝမ်းသွားချင်လည်း သူ့ သဘော၊ ဓမ္မတာ အပေါ်မှာလည်း ဘာမှအစိုးမရ နဲ့၊ တကယ့်သံဝေဂဌာနက ကိုယ့်ကိုယ်ထဲမှာရှိနေ တာပဲ။ ဓမ္မကထိကတော့ ကိုယ့်ခန္ဓာထဲမှာ ဟောနေပြီ။ အဲဒီသံဝေဂရတော့မှ ကိုယ့်ရဲ့ ခန္ဓာကိုယ် အတ္တဘောကြီးကို အလွန်ကျေးဇူးတင်မိတယ်။ အိန္ဒိယမှာ အိမ်သာ ပါးရှားလို့သာ ဆီးဝမ်းကိစ္စ သတိထားမိလာတာမို့ သူတို့ဓလေ့ကိုလည်း အထောက် အပံ့ ကောင်းတစ်ခုအနေနဲ့ ကျေးဇူးတင် ဖြစ်တယ်။ အမျိုးသမီးတွေရဲ့လစဉ်ဓမ္မတာ အပေါ်မှာလည်း အပြစ်မမြင်ဘဲ ရ,ထားတဲ့ အမျိုးသမီး သဘာဝကိုက အဆိုးထဲ က အကောင်းလို သံဝေဂယူတတ်ရင် ရနေ ပြန်ပါရော။ ယောက်ျား တွေမှာ ဒီလိုရှုမှတ်ဆင်ခြင်နိုင်စရာမှ မပါဘဲ။

            ဒီဘုရားဖူး ခရီးစဉ်မှာ ရောက်ခဲ့ရတဲ့ သံဝေ ဇနိယလေးဌာန (ဘုရား ဖွား၊ ပွင့်၊ ဟော၊ စံ အရပ်များ)၊ အဝိဇဟိတလေးဌာနဆိုတဲ့ ဘုရားရှင် တိုင်း မစွန့်အပ်သော နေရာအရပ်များဟာ သံဝေဂ ယူသင့်တဲ့နေရာဆိုပေမယ့် ဘုရားရှင်ရဲ့ ဂုဏ်သတ္တိတွေ ဒီအချိန်ထိ ပျံ့နှံ့နေတဲ့ စွမ်းပကား က အံ့မခန်းမို့ သံဝေဂကလည်း ယူတတ် မှရမှာ။ ဒီဗုဒ္ဓဂယာ ဘုရားဖူးပြီးရင် အပါယ်တံခါးပိတ် တယ်လို့ဆိုတာကတော့ ဘုရားဖူးရုံနဲ့ပိတ်မှာ မဟုတ်ပါ။ ခရီးရှည် တစ်လျှောက် ပင်ပန်းပေမယ့် ဘုရားဖူး အချင်းချင်း နားလည်ဖေးမမှုတွေနဲ့ ခန္တီပါရမီ ဖြည့်နိုင်ကြမှပါ။ ပင်ပန်းလှတဲ့ ဒီဘုရားဖူး ရက်ရှည်ခရီးဟာ သံဝေဇနိယ လေးဌာနအပြင် ကိုယ်တွင်းသံဝေဂတွေ နဲ့ဖြည့် ဆည်းရင်း သံသရာ ခရီး အတွက် အလေ့ကျင့် ကောင်းတွေရတဲ့ ဘုရားဖူး ခရီးတစ်ခုပါပဲ။ ရလာတဲ့ သံဝေဂကိုပဲ ဥာဏ်အဖြစ် ရောက်အောင် အထပ်ထပ် နှလုံးသွင်း ဆင်ခြင်မိဖို့ ဆက်ပြီး ကြိုးစားနေရဦးမှာပါ..ဒါမှ လည်း သံဝေဇနိယလေးဌာန ဖူးမြော် ခြင်းအပေါ် ဘုရားရှင်က ညီတော်အာနန္ဒာကို မိန့်မှာခဲ့တဲ့ -

    ”ချစ်သားအာနန္ဒာ- သဒ္ဓါတရားနှင့်ပြည့်စုံသော ရဟန်းယောက်ျား၊ ရဟန်းမိန်းမ၊ ဥပသကာ ဒါယကာ၊ ဥပသိကာ ဒါယိကာမ များတို့သည် (၁) ဤ လုမ္ဗိနီဌာန ၌ မြတ်စွာဘုရား ဖွားမြင်တော်မူ ၏ဟုလည်းကောင်း၊ (၂) ဤမဟာဗောဓိ အောင် မြေဌာန၌ မြတ်စွာဘုရားသည် အမြတ်ဆုံးဖြစ် သော သမ္မာသမ္ဗောဓိ ဥာဏ်တော်ကို ရတော်မူ၏ ဟူ၍လည်းကောင်း၊ (၃) ဤမိဂဒါဝုန်တော၌ မြတ်စွာဘုရားသည် အမြတ်ဆုံးဖြစ်သော တရား တော်ဓမ္မစက် ကို မြွက်လည်စေတော်မူ၏ ဟူ၍ လည်းကောင်း၊ (၄) ဤ ကုသိနာရုံဌာန၌ မြတ်စွာဘုရားသည် ခန္ဓာကြွင်းမရှိသော ငြိမ်းခြင်း သဘော= အနုပါဒိသေသနိဗ္ဗာန ဓာတ်ဖြင့် ဝင်စံ တော်မူ၏ဟူ၍လည်းကောင်း၊ ကြံစည်အောက်မေ့ လျက် လာရောက်ကြလိမ့်မည်။ ချစ်သား အာနန္ဒာ -စေတီပုထိုးတို့ကို ဖူးမြော်ရန် သွားလာလှည့်လည် ကြသော သူတို့သည် ကြည်ညိုစိတ် ရှိကြလျက် သေကုန်လျှင် ထိုသူအားလုံး တို့သည် ကိုယ်ခန္ဓာ ပြတ်ကြွေသေသည်မှ နောက် ကာလ၌ ကောင်းသောလားရာ နတ်ရွာသုဂတိ သို့ရောက်ရှိကြလိမ့်မည်” ဟု မိန့်တော် မူခဲ့တဲ့ စကားဟာ တရားအဖြစ် မိမိသဏ္ဌာန်မှာ ထင်ရှားလာမှာ မဟုတ်လား..။

 ငွေသော်တာ